Алматы облысында ер адам пышақ жарақатынан көз жұмды: қаза тапқан шетел азаматы болып шықты

Алматы облысында жанжал кезінде ер адам пышақ жарақатын алған еді. Қаза тапқан Өзбекстанның азаматы екені анықталды. Ол нан сатумен айналысқан, деп хабарлайды KAZ.NUR.KZ КТК арнасының сайтына сілтеме жасап.

Оқиға Ақтас ауылында болған. Марқұм 35 жаста еді. Ол соңғы 5 жыл бойы тандыр нан пісіріп, сатқан.

Жергілікті тұрғындар оны жақсы жағынан сипаттайды. Олар ер адамның ешкіммен жанжалдаспағанын, тіпті жұма күндері нанды тегін таратқанын айтады.

Алдын ала нұсқа бойынша, ер адамдар өзара сөзге келіп қалған. Ауызша жанжал дереу төбелеске ұласты. 56 жастағы күдікті пышақ ала жүгірген.

"Полиция қызметкерлері адам өлтіру фактісі бойынша қылмыстық іс қозғады. Жедел-іздестіру іс-шаралары барысында 56 жастағы күдікті анықталып, ұсталды және уақытша ұстау изоляторына қамалды. Қазіргі уақытта ол кінәсін мойындады", - деді өңірлік ПД ресми өкілі Ернар Сайділдин.

Дереккөз: КТК

Бұған дейін Алматы облысындағы жанжал кезінде ер адамның пышақ жарақатынан көз жұмғанын жазғанбыз. Полиция қызметкерлері адам өлтіру фактісі бойынша қылмыстық іс қозғады.

Мәтіннен қате тапсаңыз,бізге жазыңыз