Қызылорда облысында 6 жасар бала түн ішінде әкесінің Land Cruiser көлігін айдап шыққан

Қызылорда облысында түнде Toyota Land Cruiser көлігін тізгіндеген 6 жасар баланың әкесі жауапқа тартылды. Бұл туралы өңірлік полиция департаментіне сілтеме жасаған KAZ.NUR.KZ хабарлайды.

Ведомство баспасөз қызметінің мәліметінше, Арал аудандық полиция бөлімінің қызметкерлері патрульдеу кезінде көшелердің бірінен Toyota Land Cruiser көлігін басқарып жүрген 6 жасар баланы байқаған.

Полицейлер дер кезінде әрекет етіп, жол-көлік оқиғасының алдын алды.

Тексеру барысында көлік баланың әкесіне тиесілі екені анықталды. Кәмелетке толмаған баланың заңды өкіліне қатысты бала тәрбиесі мен оның қауіпсіздігін қамтамасыз ету міндеттерін тиісінше орындамағаны үшін, сондай-ақ баланың түнде ересектердің қарауынсыз жүргені үшін әкімшілік хаттамалар толтырылды.

Жиналған материалдар сотқа жолданды. Сот шешімімен әкімшілік айыппұл салынды.

Сондай-ақ полиция қызметкерлері ата-ана мен балаға қатысты профилактикалық және түсіндіру жұмыстарын жүргізді.

Мәтіннен қате тапсаңыз,бізге жазыңыз