Алматыдағы Әуежай көлінен балықшы оқ-дәріге толы сөмке тапты (видео)

Алматыда Әуежай көлінің жағасында балық аулап отырған ер адам судан оқ-дәрі салынған сөмке тауып алды. Полиция қылмыстық іс қозғады, деп хабарлайды Алматы қалалық полиция департаментіне сілтеме жасаған KAZ.NUR.KZ.

Алматы қалалық полиция департаментінің мәліметінше, Түрксіб ауданындағы Маяк шағын ауданында орналасқан Әуежай көлінде балық аулап отырған жергілікті тұрғын судан оқ-дәрі салынған сөмкені шығарып алған.

"Оқиға орнына Түрксіб аудандық полиция басқармасының жедел-тергеу тобы дереу жетті. Оқ-дәрілер тәркіленді", - деп мәлімдеді полиция.

Баллистикалық сараптама тағайындалды. Мамандар табылған оқ-дәрілердің қайдан шыққанын және кімге тиесілі екенін анықтауға тиіс.

Аталған дерек бойынша қылмыстық іс қозғалды. Тергеу амалдары жүргізілуде.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз,бізге жазыңыз