Алматыдағы бар маңындағы төбелес: қазақстандық рэпер ер адамды соққыға жықты деген күдікке ілінді

Алматыда қалалық барлардың бірінің маңында болған түнгі төбелес бойынша полиция қылмыстық іс қозғады. Төбелеске қатысы барлар қатарында қазақстандық рэперді есімі аталды, деп хабарлайды KAZ.NUR.KZ.

Қазақстандық рэпер Qurt (Дамир Қойшыбаев) қатысы бар болуы мүмкін төбелеске қатысты ақпарат Threads әлеуметтік желісінде пайда болды.

"30 тамыздан 31 тамызға қараған түні, шамамен таңғы 4-5 шамасында, Фурманов көшесі, 118 мекенжайында шешендік өнер курсының оқушысы қатыгездікпен соққыға жығылды. Жәбірленуші мен куәгерлердің айтуынша, оны қазақстандық рэпер Qurt, яғни Дамир Қойшыбаев ұрған", - делінген @qwertgyassd никнеймі бар қолданушы.

Жазбадағы ақпаратқа сәйкес, жәбірленуші барда өз таныстарымен, ал рэпер өз достарымен болған. Кейін екі компания арасында сөз таласы туындап, ол мекемеден тыс жерде төбелеске ұласқан.

Жарияланым авторының айтуынша, салдарынан ер адам жарақат алып, ауруханаға жатқызылған.

Алматы қалалық полиция департаменті KAZ.NUR.KZ тілшісіне аталған факті бойынша тергеу басталғанын хабарлады.

"Аталған факті бойынша Медеу аудандық полиция басқармасы қылмыстық іс қозғады. Барлық қатысушының жеке басы анықталды. Оларды ұстау шаралары қабылдануда. Тергеу жалғасуда. Оның барысы полиция департаменті басшылығының бақылауында", - деп хабарлады ведомстводан.

Мәтіннен қате тапсаңыз,бізге жазыңыз