Астанадағы тұрғын үй ауласында оқ атылды: полиция мән-жайды түсіндірді

17 қыркүйекте кешке Астанадағы тұрғын үйлердің бірінің ауласында оқ атылды. Полиция оқиғаның мән-жайын түсіндірді, деп хабарлайды Астана қалалық полиция департаментіне сілтеме жасаған KAZ.NUR.KZ.

Астана қалалық полиция департаменті өкілдері KAZ.NUR.KZ тілшісіне полицияға тұрғын үй ауласында оқ атылғаны туралы хабарлама түскенін жеткізді.

Оқиға орнына патрульдік полиция экипаждары жедел жеткен.

Алдын ала мәлімет бойынша, тұрғын үй ауласында мас күйде және өзін агрессивті ұстаған бір топ жас жүрген.

Үй тұрғындарының бірі заңсыз әрекеттердің алдын алу үшін газ тапаншасынан ауаға ескерту ретінде оқ атқан.

Оқиғаға қатысы барлардың барлығы сол жерде ұсталып, полицияға жеткізілді.

Құқық бұзушыларға қатысты заңнамаға сәйкес шаралар қабылданады.

Тұрғындар жарақат алды деген ақпарат шындыққа жанаспайды.

Көрінеу жалған ақпарат таратқаны үшін жауапкершілік қарастырылғанын ескертеміз. Азаматтарды ресми ақпарат көздеріне сенуге шақырамыз.

Мәтіннен қате тапсаңыз,бізге жазыңыз