Зайсанда жасөспірім әйелді өлтірді деген күдікпен қамауға алынды

Зайсан ауданында кәмелетке толмаған жасөспірім әйел адамды өлтірді деген күдікке ілінді, деп хабарлайды Bizdiң Өskemen.         

Зайсан аудандық полиция бөлімі Қазақстан Республикасы Қылмыстық кодексінің 99-бабы 1-бөлігі (адам өлтіру) бойынша қылмыстық іс қозғады.

"Күдіктіге қатысты сот қамауда ұстау түріндегі бұлтартпау шарасына санкция берді", – деп хабарлады ШҚО полиция департаментінің баспасөз қызметінен.

Қазіргі уақытта сотқа дейінгі тергеу амалдары жүргізіліп жатыр.

Полиция әлеуметтік желілерде тараған ақпаратты жоққа шығарды. Қаза тапқан әйелдің мұғалім болғаны туралы ақпарат шындыққа жанаспайды.

"Тексеру барысында оқиғаның "Синий кит" деп аталатын ойынмен байланысы анықталған жоқ", – деп атап өтті полиция департаментінің баспасөз қызметі.

Қазақстан Республикасы Қылмыстық-процестік кодексінің 201-бабына сәйкес, тергеу мүддесіне байланысты өзге ақпарат жария етілмейді.

Мәтіннен қате тапсаңыз,бізге жазыңыз