Шымкенттегі патрульдік полиция қызметкерлеріне қатысты даулы видеоға полиция түсінік берді

Шымкентте жүргізуші айыппұл рәсімдеу кезінде полицей планшетке оның орнына өзі қол қойғанын мәлімдеді. Даулы видеоға қатысты қалалық ПД өкілдері пікір білдірді, деп хабарлайды KAZ.NUR.KZ.

Видео әлеуметтік желіде тарады. Автордың айтуынша, көлікті тоқтатқаннан кейін полиция қызметкерлері планшетте әкімшілік материал рәсімдеген, содан кейін жүргізушінің сөзінше, олардың бірі оның орнына өз бетінше қол қойған.

Шымкент қалалық ПД өкілдері әлеуметтік желілерде тараған видеожазбаға қатысты түсінік берді. Полицияның мәліметінше, патрульдік полиция қызметкерлері автокөлікті тоқтатқан, тексеру барысында жол жүрісі қағидаларын бұзу дерегін анықтаған.

Жүргізушіге қатысты әкімшілік хаттама толтырылған.

"Полиция қызметкері әкімшілік хаттамаға құқық бұзушының орнына қол қойды деген ақпарат шындыққа жанаспайды.

Жүргізуші анықталған бұзушылықпен келіспей, хаттамаға қол қоюдан бас тартқан. Осыған байланысты полиция қызметкері оның келіспейтінін хаттамаға тиісті жазбаша белгі қою арқылы тіркеген.

Осылайша, әкімшілік материал белгіленген тәртіппен рәсімделген", - деп мәлімдеді ведомство.

Посмотреть эту публикацию в Instagram

Публикация от Reider Kz (@reider.shymkent)

Мәтіннен қате тапсаңыз,бізге жазыңыз