Экс-депутат Азат Перуашевқа жасалған кибершабуыл: ІІМ қылмыстық іс қозғады

Ішкі істер министрінің орынбасары Санжар Әділов Құрылтайда өткен брифингте мәжілістің экс-депутаты Азат Перуашевқа жасалған кибершабуылға қатысты сұраққа жауап берді, деп хабарлайды KAZ.NUR.KZ.

Санжар Әділов кибершабуыл туралы хабарламадан кейін полиция экс-депутат Азат Перуашевпен байланыста екенін мәлімдеді.

"28 қыркүйекте аталған фактіге қатысты сотқа дейінгі тергеп-тексеру тіркелді. Көрінеу жалған ақпарат тарату бойынша қылмыстық іс қозғалды.

Қазір киберқылмысқа қарсы күрес бойынша тиісті бөлімшелер фигуранттарды, клон-сайттардың иелерін анықтау бағытында жұмыс істеп жатыр. Сонымен қатар біз бірнеше арнайы сот және сот-технологиялық сараптамалар тағайындадық. Тергеу барысы бақылауда", - деп толықтырды ол.

Естеріңізге сала кетейік, бұған дейін "Ақ жол" партиясы мен оның бұрынғы төрағасы Азат Перуашев бірқатар "арандатушылыққа" байланысты құқық қорғау органдарына жүгінген болатын.

Мәтіннен қате тапсаңыз, бізге жазыңыз