Астанада заңсыз ойын бизнесі тоқтатылды: 124,8 млн теңгеден астам қаражат өндірілді

Астана прокуратурасы заңсыз ойын бизнесін тоқтатты. Сот үкімдері шыққаннан кейін қылмыстық кірісті өндіріп алу туралы азаматтық талап қою жұмыстары жүргізіліп жатыр, деп хабарлайды елорда прокуратурасына сілтеме жасаған KAZ.NUR.KZ.

Ведомствоның мәліметінше, сот шешімімен екі қылмыстық іс бойынша прокурордың талап арыздары толық қанағаттандырылған.

Нәтижесінде Instagram және TikTok әлеуметтік желілерінде құмар ойындарын ұйымдастырған екі тұлғадан заңсыз жолмен алынған 124,8 млн теңгеден астам қаражат өндіріп алынған.

Елорда прокуратурасы арнайы лицензиясыз интернетте құмар ойындар мен лотереяларды ұйымдастыру қылмыстық құқық бұзушылық екенін еске салады.

Заңсыз ойын бизнесінен ақша табу әрекеттері (соның ішінде Instagram және TikTok) мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан айырыла отырып, 7 жылға дейін бас бостандығынан айыру жазасына әкеп соғады.

Мәтіннен қате тапсаңыз, бізге жазыңыз