128 млн теңге шығынға батырған: Астанада адамдарды алдаған автосалон директоры бас бостандығынан айырылды

Астанада тұтынушыларды алдаған автосалон директоры 6 жыл 8 айға бас бостандығынан айырылды – алты адам Қытайдан әкелінуге тиіс болған көліктер үшін ақша төлеген, деп хабарлайды KAZ.NUR.KZ Бас прокуратураға сілтеме жасап.

Автосалон директоры бір жыл бойы клиенттермен Қытайдан автокөліктерді сатып алу және жеткізу бойынша брондау шарттарын жасасқан.

Бас прокуратура мәліметінше, ол сатып алушылардан алынған ақшалай қаражатты жеке мақсаттарына пайдаланған.

"Автокөліктерді жеткізу міндетін орындап жатқандай етіп көрсету үшін ол жәбірленушілерге банктік аударымдар жасалғаны туралы жалған құжаттарды ұсынған.

Сотталушының әрекеттерінен 6 адам зардап шегіп, оларға жалпы сомасы 128 млн теңгеден аса материалдық залал келтірілген. Мемлекеттік айыптаушы оның кінәсін толық дәлелдеді", - дейді прокуратурадағылар.

Сот үкімімен оған 6 жыл 8 ай мерзімге бас бостандығынан айыру жазасы тағайындалды.

Материалдық залалды өндіру туралы азаматтық талаптар қанағаттандырылды.

Үкім заңды күшіне енді.

Мәтіннен қате тапсаңыз, бізге жазыңыз