Оңтүстік Кореядағы жаппай төбелес: СІМ қазақстандықтардың қатысы болуы мүмкін деген ақпаратқа пікір білдірді

БАҚ-та Оңтүстік Кореядағы жаппай төбелеске қазақстандықтардың қатысы болуы мүмкін деген ақпарат тарады. Қазақстан Сыртқы істер министрлігі оқиғаға қатысты түсініктеме берді, деп хабарлайды KAZ.NUR.KZ.

Yonhap агенттігінің мәліметінше, полиция 3 қазанда кешке Пхентхэк қаласында болған жаппай төбелеске қатысты істі тергеп жатыр. Қақтығыс қаланың тұрғын үй ауданында, балабақша мен бастауыш мектептің жанында болған. Жанжал Орталық Азия елдерінен келген топтың арасында болғаны айтылады.

Оқиға орнында 20 жас шамасындағы екі ер адам ұсталған. Қалғандарына іздеу жарияланған. Оңтүстік Корея полициясының ақпараты бойынша, оқиға орнынан ағаш таяқтар мен бейсбол биталары табылған.

The Korea Times басылымы бейнебақылау камераларындағы жазбаларға сүйене отырып, оқиғаға шамамен 15 адам қатысқанын нақтылады. Алайда куәгерлер төбелеске 40-қа жуық адам қатысқанын хабарлаған. Оқиға Қазақстан мен Қырғызстан азаматтарының арасындағы жанжалдың салдарынан болды деген болжам бар.

Сонымен қатар оқиғаның видеосы желіде тарады.

평택 한밤중 주택가 어린이공원에서 외국인 10여 명이 각목이랑 방망이 들고 집단 난투극 벌였다고 함 경찰은 카자흐스탄·키르기스스탄 국적자들 사이 갈등 가능성을 보고 있고, 직접 가담자는 CCTV 기준 15명 안팎으로 추정 중 현장에선 20대 2명이 붙잡혔고 나머지는 추적 중이라고 함 문제는 여기가 그냥 공터가 아니라 어린이집이랑 초등학교까지 붙어 있는 주택가 공원이라는 거 영상 보니까 둔기 들고 사람 때리고 발로 차고 경찰도 ‘코드 제로’까지 발령했을 정도라 주민들 입장에선 진짜 공포였을 듯 이 정도면 단순 술자리 시비 수준이 아니라 동네 한복판에서 벌어진 집단 폭력이네

— 오찌 Ohzzii (@ooohzzi) October 5, 2026

Бұл ақпаратқа қатысты пікір алу үшін NUR.KZ тілшісі ҚР Сыртқы істер министрлігінің баспасөз қызметіне хабарласты.

"Алдын ала мәлімет бойынша, Пхентхэктегі жаппай төбелеске қатысушылар ретінде анықталып, ұсталғандардың арасында Қазақстан азаматтары жоқ", - деп мәлім етті ведомстводан.

Мәтіннен қате тапсаңыз, бізге жазыңыз