Граната, оқ-дәрі, мылтық: Алматыда қару-жарақ жасырылған орын анықталды (видео)

Алматыда жеке сектордан қару-жарақ жасырылған орын анықталды, деп хабарлайды қалалық ПД-ға сілтеме жасаған KAZ.NUR.KZ.

"Экстремизмге қарсы іс-қимыл басқармасының қызметкерлері Медеу аудандық полиция қызметкерлерімен бірлесіп, қару-жарақ пен оқ-дәрілер жасырылған орынды тапты.

Жасырын орын жеке тұрғын үйлер орналасқан аумақта "Қару" жедел-профилактикалық іс-шарасы барысында анықталды", - делінген хабарламада.

Полицияның мәліметінше, Астрахан көшесіндегі үйлердің бірінің маңында, жол бойынан ТОЗ-25 тегіс ұңғылы мылтығы табылған. Ол кесілген мылтыққа айналдырып қайта жасалған. Сондай-ақ тапаншаға ұқсас зат пен әртүрлі калибрлі оқ-дәрілер табылған.

Бұдан бөлек, жарық-дыбыс гранаталарын қоса алғанда, бірнеше граната мен қауіпті болуы мүмкін өзге де заттар тәркіленген.

"Аталған дерек бойынша қылмыстық іс қозғалды. Тәркіленген заттар тиісті зерттеуге жіберілді. Полиция қарудың қайдан келгенін, қалай сақталғанын және оған кімдердің қатысы болуы мүмкін екенін анықтап жатыр", - делінген хабарламада.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз, бізге жазыңыз