Шымкентте есірткі заттары табылған көлікте полицей да отырған

Шымкентте есірткі заттары табылған автокөлікті ұстау кезінде ішінде болған полиция қызметкері ішкі істер органдарынан жұмыстан шығарылды. Бұл туралы қалалық полиция департаменті хабарлады.

Жедел іс-шара барысында ұйымдасқан қылмысқа қарсы күрес басқармасының қызметкерлері есірткі заттары табылған көлікті тоқтатқан.

"Іс-шара барысында автокөлікте бейбіт тұрғындармен бірге аудандық полиция бөлімдерінің бірінің қызметкері болғаны анықталды. Аталған қызметкер теріс себептермен ішкі істер органдарынан босатылды", – деп мәлімдеді Шымкент полиция департаменті.

Қазіргі уақытта аталған оқиға бойынша тергеу амалдары жүргізіліп жатыр. Бұрынғы полиция қызметкерінің әрекеттеріне құқықтық баға беріледі.

Тергеу мүддесіне байланысты әзірге өзге ақпарат жарияланбайды.

Мәтіннен қате тапсаңыз, бізге жазыңыз