Әйелдің сөмкесінен 753 мың теңге ұрланған: Қазақстанда сотталған адамның жазасы қатаңдатылды

Қазақстанда тонау ісі бойынша сотталған адамның бостандығын шектеу жазасы нақты бас бостандығынан айыру жазасына ауыстырылды, деп хабарлайды Бас прокуратураға сілтеме жасаған KAZ.NUR.KZ.

Бас прокуратураның Telegram-дағы арнасында істің мән-жайы хабарланды.

Құзырлы органның мәліметінше, іс бойынша сотталған адам басқа адаммен бірге жәбірленушіні ұрып-соққан. Осыдан кейін әйелдің сөмкесінен 753 мың теңге ұрланған.

"Бұған дейін сот оған бас бостандығын шектеу жазасын тағайындаған. Алайда сотталған адам бұл жазаны өтеп бітпей, қайтадан қылмыс жасаған.

Кассациялық сот Бас прокуратураның наразылығы бойынша істі қайта қарап, нәтижесінде жаза өзгертіліп, сотталғанға бас бостандығынан айыру жазасы тағайындалды", - делінген хабарламада.

Бас прокуратура тонау бөтеннің мүлкін ашық түрде жымқыру екені, мұндай әрекет үшін заңда қылмыстық жауаптылық көзделгенін ескертеді.

Мәтіннен қате тапсаңыз, бізге жазыңыз