"Қалтасынан тапанша шығарды": Алматыда екі көлік жүргізушісінің жанжалы видеоға түсіп қалды (видео)
Жарияланған күні:
Алматыда жол үстінде жанжалдасқан екі көлік жүргізушісінің бірі қалтасынан тапанша шығарған. Полиция заң бұзушыны ұстады, деп хабарлайды Алматы ПД-ға сілтеме жасаған KAZ.NUR.KZ.
Құлжа тасжолында көлік жүргізушісі екінші автокөлік жүргізушісінің тапаншаға ұқсас зат көрсеткенін хабарлаған. Ақпарат дереу Медеу аудандық полиция басқармасының патрульдік полиция қызметкерлеріне берілді. Тарасов көшесімен қиылыста полицейлер іздестіріліп жатқан автокөлікті тоқтатты. Рөлде 20 жастағы жігіт отырған.
Автокөлікті тексеру кезінде жедел-тергеу тобы травматикалық тапаншаны тауып, тәркіледі.
"Қазіргі уақытта қарудың жас жігітке қайдан келгені және оны көлікте қандай мақсатпен алып жүргені анықталып жатыр. Оқиғаның өзге де мән-жайлары тексеру барысында белгілі болады", - делінген хабарламада.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2448357-qaltasynan-tapansha-shygardy-almatyda-eki-kolik-zhurgizushisining-zhanzhaly-videoga-tusip-qaldy-video/