ШҚО-да мас күйдегі жолаушы такси көлігін соғып, оның иесіне 2,5 млн теңге шығын келтірді

ШҚО-да таксимен жүрген әйел қылмыстық іс бойынша тергеуге алынды. 33 жастағы жолаушы мас күйде, жүргізуші куәлігі болмаса да бөтен көліктің тізгініне отыруға шешім қабылдаған, деп хабарлайды KAZ.NUR.KZ өңірлік ПД баспасөз қызметіне сілтеме жасап.

Алдын ала мәлімет бойынша, әйел Chevrolet Aveo жүргізушісінен өзін бірнеше мекенжайға апаруды сұраған.

Сапардың соңғы пунктінде, жүргізуші салоннан шыққан сәтте көлікте жалғыз қалған жолаушы жүргізушінің орнына отырып, маневр жасай бастаған. Салдарынан көлік зақымданды.

Көлік иесі полицияға жүгінген. Тәртіп сақшылары әйелдің аты-жөнін анықтап, оны ұстады. Оның алкогольге мас күйде болғаны және көлік құралын басқаруға құқығы жоқ екені белгілі болды.

Алдын ала белгілі болғандай, материалдық шығын – 2,5 млн теңге. Көлікті заңсыз иемдену фактісі бойынша қылмыстық іс қозғалды.

Посмотреть эту публикацию в Instagram

Публикация от Viktoriya Kolmakova (@kolmakovaviktoria)

Мәтіннен қате тапсаңыз, бізге жазыңыз