ҰҚК арандатушылық сипаттағы видеодан кейін павлодарлық тұрғынды ұстады

Павлодарда қазақ халқына тіл тигізіп, Қазақстанның аумақтық тұтастығына қатысты арандатушылық сипатта видео жариялаған әйел ұсталды, деп хабарлайды KAZ.NUR.KZ.

ҰҚК NUR.KZ тілшісіне жедел іс-шаралар прокуратураның үйлестіруімен жүргізілгенін мәлімдеді.

"Биыл 28 қазанда Павлодарда ҰҚК органдары прокуратураның үйлестіруімен сепаратистік сипаттағы видео жариялады деген күдікпен жергілікті тұрғынды ұстағанын хабарлаймыз.

Сотқа дейінгі тергеп-тексеру басталды. Сонымен қатар ол бұрын есірткі заттарын өткізгені үшін сотты болған", - деп мәлім етті ведомство.

Мәтіннен қате тапсаңыз, бізге жазыңыз