Алматыда қабырғаға "автограф" қалдырған бойжеткен 5 тәулікке қамауға алынды (видео)

Алматыда Назарбаев даңғылындағы тұрғын үй кешенінің қабырғасына "автограф" қалдырғысы келген бойжеткен қамауға алынды. Бұл туралы KAZ.NUR.KZ қалалық ПД-ға сілтеме жасап хабарлады.

Ведомствоның Instagram желісіндегі ресми парақшасында хабарланғандай, оқиға Назарбаев даңғылындағы "Райымбек" тұрғын үй кешенінде болған. Жетісу аудандық полиция басқармасының қызметкерлері ғимараттың қабырғасына жазу жазған бойжеткенді анықтады.

Полиция қызметкерлері ұсақ бұзақылық дерегі бойынша әкімшілік хаттама толтырып, істі сотқа жолдады. Сот шешіміне сәйкес, бойжеткен кінәлі деп танылып, бес тәулікке әкімшілік қамаққа алу жазасы тағайындалды.

Полиция тұрғын үйдің қабырғасы, кіреберісі мен ортақ пайдаланылатын орындар баршаға ортақ мүлік екенін еске салды. Оны бүлдіру тек сыртқы келбетіне нұқсан келтіріп қана қоймай, тұрғындарға қосымша шығын әкеледі. Мұндай әрекеттер үшін заңда жауапкершілік көзделген.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз, бізге жазыңыз