Алматыда жүк көліктерін жаппай тоқтатуға шақырған азамат 15 тәулікке қамалды

Алматыда 41 жастағы ер адам рұқсат етілмеген жаппай іс-шара ұйымдастыруға шақырғаны үшін жауапкершілікке тартылды, деп хабарлайды қалалық полиция департаментіне сілтеме жасаған KAZ.NUR.KZ.

Алматы ПД-ның Instagram-дағы парақшасында хабарланғандай, полицейлер жүргізушілерді салмақ шектеулеріне қарсы наразылық акциясына шығуға үндеген бейнеүндеу авторын анықтаған.

"Бейнежазба әлеуметтік желіде жарияланған. Онда ер адам 1 қараша күні жүк көліктерін жаппай әрі ұйымдасқан түрде тоқтатуға шақырған. Бейнеүндеудің авторы 41 жастағы А. Б болып шықты.

Ол рұқсат етілмеген жаппай іс-шараны ұйымдастыруға шақырғаны үшін әкімшілік жауапкершілікке тартылды", - делінген хабарламада.

Сот шешімімен ер адам кінәлі деп танылып, 15 тәулікке әкімшілік қамаққа алынған.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз, бізге жазыңыз