Ақтаудағы облыстық балалар ауруханасында ер адам дәрігерге тап берді

Ақтаудағы облыстық балалар ауруханасының қабылдау бөлімінде келушілердің бірі дәрігерге тап беріп, жағасынан алған. Оқиғаға қатысты полиция департаменті түсініктеме берді, деп хабарлайды жергілікті Lada.kz басылымына сілтеме жасаған KAZ.NUR.KZ.

Басылымның аурухана қызметкерлеріне сілтеме жасап хабарлауынша, балалар хирургі баланы қажетті тексеруден өткізіп, нәтижесін оның әкесіне байыппен түсіндірген. Оны ауруханаға жатқызуға негіз болмаған.

Порталдың жазуынша, кенет баланың әкесі дәрігерге тап берген, ал жанында тұрған бірнеше адам шабуыл жасаған азаматты әрең ажыратып алған.

Өңірлік полиция департаменті бұл дерек бойынша қылмыстық іс қозғалғанын мәлімдеген. Қазір тергеу жүргізіліп жатыр, оқиғаның мән-жайы анықталуда.

Мәтіннен қате тапсаңыз, бізге жазыңыз