Астана тұрғыны ұлына балабақшада металл орындықпен соққы жасалғанын айтты

Астана тұрғыны балабақшада ұлына металл орындықпен бірнеше рет соққы жасалғанын айтты, анасының сөзінше, оны басқа бала ұрған. Бұл оқиғаға қатысты полиция түсінік берді, деп хабарлайды KAZ.NUR.KZ .

Оқиға туралы ақпарат Telegram-дағы Halyqstan арнасында пайда болды.

Астаналық әйелдің айтуынша, оның ұлын топтағы басқа тәрбиеленуші бала металл орындықпен бірнеше рет ұрған. Оқиға 15 қазанда болған.

Әйелдің айтуынша, орындықтың салмағы 2-3 килограмм шамасында болған. Оқиға кезінде балалардың жанында тәрбиеші және басқа ересектер болмаған.

Оның сөзінше, балабақша қызметкерлері оған балалар орындықты таласқанын айтқан. Кейін жиһаз сырғып кетіп, бала кездейсоқ соғылған.

Жарияланымда айтылғандай, жазбаларды көргеннен кейін әйел баласын балабақшадан алып кету туралы шешім қабылдады және ақшаны қайтаруды талап етті.

Сонымен қатар ол оқиға бейнежазбасының қаншалықты сақталып тұратынына алаңдаулы.

"Қазіргі уақытта полиция қызметкерлері бейнебақылау камераларындағы жазбаларды зерттеп жатыр, болған оқиғаның барлық мән-жайын анықтауға бағытталған қажетті тергеу әрекеттері жүргізілуде", - деді ведомстводағылар.

Мәтіннен қате тапсаңыз, бізге жазыңыз