Астанада көлігіне арнайы сигнал беру құрылғысын орнатып алған жігіт полицейлердің назарына ілікті

Астанада арнайы сигнал беру құрылғысы заңсыз орнатылған автокөлік анықталды. Жүргізуші әкімшілік жауапқа тартылды, деп хабарлайды елордалық ПД-ға сілтеме жасаған KAZ.NUR.KZ.

Астанада полицейлер арнайы жарық және дыбыс сигналдарын беру құрылғысы рұқсатсыз орнатылған Changan UNI-V автокөлігін тоқтатқан. Көлік тізгінінде 19 жастағы жігіт болған.

"Көлікті тексеру кезінде оған арнайы жарық және (немесе) дыбыс сигналдарын беруге арналған құрылғының тиісті рұқсатсыз орнатылғаны, сондай-ақ көлік құралын пайдалану қағидаларының бұзылғаны белгілі болды.

Аталған дерек бойынша жүргізуші әкімшілік жауапкершілікке тартылып, автокөлік коммуналдық тұраққа қойылды", - делінген хабарламада.

Полиция арнайы сигнал беру құрылғыларын тиісті рұқсатсыз орнатуға және пайдалануға заңмен тыйым салынғанын ескертеді. Мұндай құқық бұзушылықтар үшін заңнамада көзделген жауапкершілік қарастырылған.

Посмотреть эту публикацию в Instagram

Публикация от Астана қаласының Полиция департаменті (@police__astana)

Мәтіннен қате тапсаңыз, бізге жазыңыз