Шымкентте бірден 9 BMW айыптұраққа қойылды (видео)
Жарияланған күні:
Читать на русском
Шымкентте жол жүрісі қағидаларын бұзғаны үшін бірден 9 BMW автокөлігі айыптұраққа қойылды, деп хабарлайды қалалық полиция департаментіне сілтеме жасаған KAZ.NUR.KZ.
Ведомствоның Instagram желісіндегі ресми парақшасында хабарланғандай, Шымкент ПД Жедел басқару орталығының бейнебақылау камералары арқылы жол қозғалысы қағидаларын бұзған BMW маркалы автокөліктер анықталған.
Барлық автокөлік жүргізушілеріне қатысты жол жүрісі қағидаларын бұзу, апаттық жағдай туғызу дерегі бойынша әкімшілік хаттамалар толтырылып, 9 автокөлік арнайы айыптұрағына қойылған.
Полиция жүргізушілерді жол жүрісі қағидаларын қатаң сақтауға, жолда қауіпсіздік талаптарын орындауға және өзге де қозғалыс қатысушыларының өмірі мен денсаулығына қауіп төндірмеуге шақырады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2452523-shymkentte-bir-mezette-9-bmw-aiyp-turagyna-qoiyldy-video/