Ақтауда су басқан көшеде көлік төбесіне шығып, балық аулаған жүргізуші жазаланды (видео)

Ақтауда жаңбырдан кейін су басқан көшеде көлік төбесіне шығып, балық аулап отырған видеосы тараған жүргізуші жазаланды. Бұл туралы Маңғыстау облыстық полиция департаментіне сілтеме жасаған KAZ.NUR.KZ хабарлайды.

Ведомствоның баспасөз қызметінің мәліметінше, 7 қарашада сағат 22:37 шамасында Ақтаудың 17 және 18А шағынаудандары арасындағы жолда, "Халық Арена" спорт мектебінің маңында полиция қызметкерлері қоғамдық тәртіпті бұзу дерегін анықтаған.

Тексеру барысында Chevrolet Cobalt автокөлігін басқарған 24 жастағы жүргізушінің бірқатар әкімшілік құқық бұзушылыққа жол бергені белгілі болған.

Бұл дерек бойынша ер адам ҚР ӘҚБтК-нің үш бабы бойынша әкімшілік жауапкершілікке тартылған:

• 434-баптың 1-бөлігі – ұсақ бұзақылық;
• 612-баптың 2-бөлігі – көлік құралын басқару құқығы жоқ адамның көлік құралын басқаруы;
• 590-баптың 9-бөлігі – міндетті техникалық қарап-тексеруден өтпеген көлік құралын басқару.

Автокөлік мамандандырылған айыптұраққа қойылған.

Ұсақ бұзақылық дерегі бойынша сот шешімімен құқық бұзушыға 86 500 теңге мөлшерінде әкімшілік айыппұл салынған.

Посмотреть эту публикацию в Instagram

Публикация от Маңғыстау Облысының Полиция Департаменті (@mangistaupd)

Мәтіннен қате тапсаңыз, бізге жазыңыз