"Ешкім тірі қалмады": Малайзияда ұшақ апатқа ұшырады (фото)

Бейсенбі, 17 тамызда Малайзия астанасы Куала-Лумпур маңында чартерлік ұшақ апатқа ұшырады. Қазіргі уақытта 10 адамның қаза тапқаны белгілі, деп хабарлайды CNN.

Малайзия азаматтық авиация басқармасының хабарлауынша, бортында алты жолаушы мен екі экипаж мүшесі бар ұшақ Лангкави халықаралық әуежайынан ұшып шығып, Сұлтан Абдул Азиз Шах әуежайына бет алған.

"Ұшқыштар ұшақ басқару мұнарасымен алғаш рет сағат 14:47-де хабарласқан (ред. - Астана уақытымен сағат 12:27-де), қонуға рұқсат сағат 14:48-де берілген.

Жергілікті уақыт бойынша сағат 14:51-де диспетчерлік мұнара апат орнынан түтін шыққанын байқады, бірақ ұшақ апаттық сигнал бермеген", - делінген хабарламада.

Жергілікті полицияның мәліметінше, ұшақ жеңіл көлік пен мотоциклге соқтығысқан. Көлікте және мотоциклде бір адамнан болған.

"Сот-медициналық сарапшылар марқұмдардың денесін жинауда, оларды зерттеу үшін ауруханаға апарады", - дейді полиция басшысы Хусейн Омар Хан.

Бұл ретте көлік министрі Энтони Локк тергеу жүріп жатқанын айтты.

"Ұшақ апатынан ешкім аман қалмады", - дейді ол баспасөз мәслихатында.

Еске салсақ, биыл Непалда 72 адам мінген ұшақ апатқа ұшыраған болатын.

Мәтіннен қате тапсаңыз, бізге жазыңыз