Астанада боран тұрып, үй қасбеттері мен көліктер қирады (фото, видео)

Кеше Астанада ауа райы күрт өзгерді. Астанада дауыл тұрды. Әлеуметтік желілерде куәгерлер қолайсыз ауа райынан қираған нысандардың суреттері жариялады, деп хабарлайды KAZ.NUR.KZ.

Астанада түн ортасынан бастап дауыл тұрды. Синоптиктердің айтуынша, елордада желдің жылдамдығы кейде секундына 23 метрге жеткен. Жергілікті тұрғындардың айтуынша, айналада бәрі ұшып, құлаған.

Әлеуметтік желілердегі фотосуреттер мен видеоларға сүйенсек, қатты жел тұраққа қойылған көліктерді қиратқан, ғимараттардың қасбеттері де опырылған, кейбір жерлерде жарнамалық құрылымдар құлады.

Синоптиктердің болжамы бойынша, қолайсыз ауа райы жексенбіде де жалғасады. Бүгін елордада дауылды ескерту жарияланды. Тұман, көктайғақ және желдің күшеюі күтіледі, оның екпіні 20 м/с жетуі мүмкін.

Мәтіннен қате тапсаңыз, бізге жазыңыз