Қостанайда төтенше жағдай: үйінді астынан екі адам құтқарылып, бір адамның денесі табылды

Қостанайда төтенше оқиға орнында жүргізілген іздестіру-құтқару жұмыстары кезінде үйінді астынан екі адам шығарылды. Тағы бір адамның денесі табылды, оның жеке басы анықталуда, деп хабарлайды KAZ.NUR.KZ облыстық Төтенше жағдайлар департаментінің Instagram-дағы парақшасына жасап.

Ведомство мәліметінше, 11 желтоқсанда сағат 12.39-да Қостанай қаласындағы Амангелді тұрғын алабында газдың жарылуы салдарынан бір қабатты тұрғын үйдің қирағаны туралы хабарлама келіп түскен.

Куәгерлердің айтуынша, үйінді астында адамдар болуы мүмкін.

"Іздестіру-құтқару жұмыстарына Қостанай облысы Төтенше жағдайлар қызметі мен жергілікті атқарушы органдардың күштері жұмылдырылып, 12 адам алғашқы медициналық көмекке жүгінді.

Іздестіру-құтқару жұмыстарын жүргізу барысында үйінді астынан екі адам шығарылып, тағы бір адамның денесі табылды, оның жеке басы анықталуда. Іздеу жалғасуда", - деп хабарлады ведомстводан.

Айта кетейік, бүгін Қостанайда газдың жарылуы салдарынан ғимарат опырылып, жеті адам үйінді астында қалғанын хабарлаған едік.

Мәтіннен қате тапсаңыз, бізге жазыңыз