Астана әуежайы ауа райының қолайсыздығына байланысты 10 рейсті тоқтатты

Ауа райының қолайсыздығына байланысты Астана әуежайы 31 желтоқсанға жоспарланған 10 рейсті тоқтатты. Әуежайдың ұшу-қону алаңында метеорологиялық жағдай күрделі, деп хабарлайды KAZ.NUR.KZ.

Қандай рейстердің тоқтатылғаны жайлы әуежайдың ресми Telegram-арнасында айтылды.

Астана халықаралық әуежайының баспасөз қызметі ұсынған мәліметке сүйенсек, 31 желтоқсанда Астана халықаралық әуежайында барлығы 112 рейс жоспарланған. Қазірдің өзінде ауа райына байланысты төмендегі 10 рейс тоқтатылған:

• LH 646 Астана-Франкфурт;
• KC 7319 Астана-Қызылорда;
• KC 956 Астана-Алматы;
• KC 992 Астана-Алматы;
• TK 355 Астана-Стамбұл;
• IQ 407 Астана-Шымкент;
• KC 345 Астана-Өскемен;
• 5W 788 Астана-Абу-Даби;
• KC 762 Астана-Алматы.

Айта кетейік, кеше Астанада ауа райының қолайсыздығынан ұшақтар жаппай кешікті. 30 желтоқсан күні таңертең елорда әуежайы ауа райының қолайсыздығына байланысты ұшақтарды қабылдауды тоқтатты.

Мәтіннен қате тапсаңыз, бізге жазыңыз