Қазақстандық сейсмологтар бірнеше жаңа жерасты дүмпуін тіркеді

Қазақстандық сейсмологтар бүгін кешке тағы жаңа үш жер сілкінісін тіркеді, бірақ Қазақстан Республикасының тұрғындары бұл дүмпулерді сезген жоқ, деп хабарлайды Төтенше жағдайлар министрлігінің Ұлттық сейсмологиялық бақылаулар мен зерттеулер ғылыми орталығы сайтына сілтеме жасаған KAZ.NUR.KZ.

Дереккөз ақпараты бойынша, осылайша "ННЦСН" ЖШС және "И" сейсмостансалар желісі Қырғызстан (5,2 балдық) мен Қытай шекарасында (5,1 балдық) 21:01-де және 21:04-те екі жер сілкінісін тіркеген.

Бірінші жағдайда жер сілкінісінің ошағы Алматыдан 256 километр, ал екіншісінде 268 километр оңтүстік-шығысқа қарай орналасқан.

Сондай-ақ дереккөз мәліметіне сүйенсек, сағат 22:20-да Алматыдан оңтүстік-шығысқа қарай 289 километр жерде Қытай аумағындағы 35 километр тереңдікте жерасты дүмпулері болған. Оның магнитудасы 4,8 бал.

Бірақ аталған жер сілкіністері Қазақстан аумағында сезілгені жайлы ақпарат келіп түскен жоқ.

Бұл ретте сейсмостанция күндіз тағы төрт, таңертең үш жерасты дүмпуінің болғанын хабарлаған.

Бұған дейін сейсмологтар алдағы уақытта күшті афтершоктар күтілмейтінін хабарлаған еді, қазір жерасты дүмпулері біртіндеп азайып жатыр – тұрғындарға еш қауіп төніп тұрған жоқ.

Мәтіннен қате тапсаңыз, бізге жазыңыз