Жамбыл облысында жер сілкінісі сезілді

Жамбыл облысы Мерке қаласында 2 балдық жер сілкінісі тіркелді. Бұл туралы Төтенше жағдайлар министрлігі Telegram-дағы арнасында хабарлады.

ТЖМ "СБЗҰҒО" ЖШС сейсмикалық станциялар желісі сағат 11:14-те жер сілкінісін тіркеді.

Эпицентрі Қазақстан аумағында Алматы қаласынан батысқа қарай 308 км жерде орналасқан.

Жер сілкінісінің энергетикалық класы 10.2. MPV магнитудасы 5.3. Эпицентрдің координаттары 42.77° С. Е. 73.18° Ш. Б. тереңдігі 25 км.

Жер асты дүмпуі Жамбыл облысының Мерке қаласында 2 балл болып сезілді.

"Зардап шеккендер мен қираулар туралы ақпарат болған жоқ. Мониторинг жүргізілуде", - делінген хабарда.