Алматыда әлдекім халық көп жиналатын Арбат көшесінде бұрыш баллонын шашқан (видео)

Желіде Алматыдағы Арбатта бұрыш баллоны шашылғаны, салдарынан адамдардың жөтеліп жатқаны түсірілген видео пайда болды. Бұл туралы KAZ.NUR.KZ қалалық полиция департаментіне сілтеме жасап хабарлайды.

Аталған видео Telegram-дағы EGOV.PRESS арнасында жарияланған. Видеодан Алматыдағы Арбатта жиналған адамдардың барлығы мұрнын жауып, жөтеліп жатқанын, сонымен қатар демалыс орнынан асығыс кетіп жатқанын көруге болады.

"Бәзбіреулер Арбатта белгісіз затты сеуіп жіберген", - делінген видео сипаттамасында.

Полиция видеоға қатысты пікір білдірді.

"Бұл дерек бойынша тергеу жүргізіліп отыр. Қоғамдық жерде бұрыш баллонын кім шашқаны анықталып жатыр. Ол міндетті түрде жауапқа тартылады", - делінген Алматы полиция департаментінің хабарламасында.

Мәтіннен қате тапсаңыз, бізге жазыңыз