Атырау облысында Жайық өзеніндегі су деңгейі көтерілді

Атырау облысында дүйсенбінің кешінде Жайық өзенінде су деңгейі көтерілді. Облыс орталығының аумағында бес сантиметрге көтерілген, деп хабарлайды AtyrauPress.

Атырау облысы бойынша ТЖ жедел штабының хабарламасына сәйкес, 7 мамырда сағат 20:00-дегі жағдай бойынша, Жайық өзеніндегі су деңгейінің өзгеруі:

• Индербор ауылында 17 см, су деңгейі – 939 см, қатерлі деңгей – 845 см;
• Махамбет ауылында 8 см, су деңгейі – 886 см, қатерлі деңгей – 850 см;
• Атырауда 5 см, су деңгейі – 510 см, қатерлі деңгейі – 550 см;
• Жаңаталап ауылында 2 см, су деңгейі – 365 см, қатерлі деңгейі – 500 см;
• Еркінқала ауылында 2 см, су деңгейі – 325 см, сыни деңгейі – 450 см.

Мәтіннен қате тапсаңыз, бізге жазыңыз