Екібастұзда аулалар мен дәріхананы ыстық су басты

Екібастұзда жылу желілерін гидравликалық сынақтан өткізу кезінде дәріхана мен көпқабатты үйлердің аулаларын су басып қалды. Бұл туралы KAZ.NUR.KZ хабарлайды.

Екібастұз тұрғындары әлеуметтік желілерде гидравликалық сынақтар кезінде жылу желілерінен атқылап жатқан ыстық су "субұрқағынан" кадрлар жариялап жатыр.

Instagram-дағы Ekibastuz_live парақшасында жарияланған видеода құбырдан атқылаған судың аула мен дәріханаға жайылғаны көрсетілген.

Посмотреть эту публикацию в Instagram

Публикация от Instagram

Ал келесі бір видеода төтенше жағдайдың салдары көрсетілген. Ыстық су көпқабатты тұрғын үйлер мен бизнес нысандарының аулалары мен тротуарларын басып қалған.

Екібастұз қаласы әкімінің орынбасары Ержан Салханов осы жағдайға пікір білдірді.

"27 мамырда Екібастұз қаласында магистральдық және ішкі жылу желілерінің гидравликалық сынақтары жүргізілді. Гидравликалық сынақтар жүргізгеннен кейін жүйені іске қосу кезінде алаңнан тыс жылу желісінің зақымданғаны анықталды. Қазіргі уақытта зақымдалған жер анықталып, жөндеу жұмыстары жүргізілуде", - деді Салханов.

Сондай-ақ ол Instagram-дағы парақшасында жылумен қамту мекемесі басшылығының видео түсініктемесі жарияланды.

Мәтіннен қате тапсаңыз, бізге жазыңыз