Алматыда екі қабатты кафе өртенді (видео)

Алматыда Темирязев көшесінің бойында кафе өртеніп жатыр. Оқиға орнына өрт сөндірушілер шықты. Кафенің ашық жалынмен отқа оранғаны анықталды , деп хабарлайды қалалық ТЖД-ға сілтеме жасаған KAZ.NUR.KZ.

Алматы қалалық ТЖД баспасөз қызметінің хабарлауынша, өрт сөндірушілер Бостандық ауданы, Тимирязев 42 мекенжайы бойынша жоғары дәрежедегі шақырту бойынша жіберілді.

"Қас қағым 5 минутта жеткенде кафенің ашық жалынмен отқа оранғаны анықталды, газ-түтіннен қорғау қызметінің адамдардың болуына барлау жүргізіп, өрт сөндіру оқпандары бағытталды, автоцистерналар 60м қашықтықта су көздеріне орнатылды", - делінген ресми хабарламада.

Оқиға орнынан 3 газ баллон эвакуацияланды.

ТЖМ ақпаратынша, екі қабатты кафе өртке оранған. Төтенше жағдайдан зардап шеккендер туралы ақпарат келіп түскен жоқ.

Алматы ТЖД өкілдері 21:17-де өрт толығымен сөндірілгенін хабарлады.

Мәтіннен қате тапсаңыз, бізге жазыңыз