Жетісу облысында адамдар отырған көлік құмға батып қалды

Жетісу облысында құтқарушылар адамдармен құмға батып қалған автокөлікті эвакуациялады. Бұл туралы KAZ.NUR.KZ ТЖМ баспасөз қызметіне сілтеме жасап хабарлайды.

Ресми ақпарат ТЖМ Telegram-дағы ресми арнасында жарияланды.

Оған сәйкес, Сарқан ауданының Лепсі ауылында адамдармен көлік құмға батып қалғаны туралы хабарлама кеше кешке түскен.

"Оқиға орнына жедел-құтқару жасағының құтқарушылары дереу жолға шықты. ТЖМ күштерімен автокөлік негізгі жолға эвакуацияланды. Жеңіл көліктегі үш адам, медициналық көмекке мұқтаж болмады", - делінген жазбада.

Мәтіннен қате тапсаңыз, бізге жазыңыз