Ресейде жеңіл моторлы ұшақ апатқа ұшырады (фото, видео)

Ресейдің Ставрополь облысында Ан-2 ұшағы апатқа ұшырады. Қуанышқа орай, барлық жолаушы мен экипаж мүшелері аман қалған, деп хабарлайды Ресей Төтенше жағдайлар министрлігіне сілтеме жасаған KAZ.NUR.KZ.

Құтқарушылардың айтуынша, ұшақта тоғыз адам, оның ішінде 8 жасар бала болған. Оқиға салдарынан төрт адам зардап шекті, оның үшеуі ауруханаға жеткізілді.

Қаза тапқандар жоқ.

Оқиға орнында Ресей Төтенше жағдайлар министрлігінің 11 маманы мен бес техникасы жұмыс істеп жатыр.

Еске салсақ, тамызда Ресейдің Иркутск облысында әскери ұшақ апатқа ұшырады. Апат салдарынан ұшқыштардың бірі қаза тапты, қалған экипаж мүшелері зардап шеккен еді.

Сонымен қатар Бразилияның Сан-Паулу қаласында Linhas Aéreas әуе компаниясының жолаушылар ұшағы апатқа ұшырап, тұрғын үйлердің үстіне құлаған.