Астанада ер адам эскалатордан құлай жаздаған баланы құтқарып қалды (видео)

Желіде елордадағы сауда орталықтарының бірінде түсірілген видео жарияланды. Видеодан экскалатордың таянышынан ұстап, салбырап тұрған баланы көруге болады. Баланы бір ер адам құтқарып қалған, деп хабарлайды KAZ.NUR.KZ.

Видео Instagram-дағы Zhaloby.astana парақшасында жарияланды. Куәгер түсіріп алған видеодан баланың экскалатор таянышынан ұстап, салбырап тұрғанын көруге болады. Бала экскалатордың сырт жағынан ұстап тұрандықтан, әп-сәтте құлап кетуі мүмкін еді.

Видеодан балаға қарай әйел адамның көмекке жүгіргенін байқауға болады, бірақ әйел балаға жетіп үлгергенше бір ер адам эскалатормен жүгіріп шығып, баланы көтеріп алады.

"Ата-аналар, экскалаторда балаларыңызға қараңыздар. Абырой болғанда, ер адам жедел әрекет етті!" - делінген жазбада.

Еске салсақ, тамыздың аяғында елордадағы сауда орталықтарының бірінде екі күннің ішінде 2-3 жас аралығындағы үш бала бірдей жарақат алған болатын. Олардың саусағы эскалаторға қысылып қалған.

Наурызда Ақтаудағы сауда орталықтарының бірінде де оқыс жағдай болды – жеті жасар қыз саусағынан жарақат алды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз