Мәскеуге ұшқышсыз ұшақтармен шабуыл жасалды: Ресей тарабы зардап шеккендер туралы хабарлады

Ресейде Мәскеуге қарай ұшқан 32 ұшқышсыз ұшақ жойылды. Ел астанасындағы жаппай шабуылға байланысты әуежайлар жұмысын тоқтатып, адамдар зардап шеккен.

Мәскеу мэрі Сергей Собянин бүгін өзінің Telegram-арнасында Мәскеуге қарай ұшып бара жатқан, құлатылған ұшқышсыз ұшақтар туралы хабарламаларды бірінен соң бірін жариялады. Соңғы мәліметтер бойынша, Домодедово, Раменское және Коломна аудандарында барлығы 32 ұшқышсыз ұшақ жойылды.

Губернатор Андрей Воробьев өзінің Telegram-арнасында Раменскоеде ұшқышсыз ұшақтар құлағаннан кейін Становое ауылында 2 үй өртенгенін хабарлады.

"Жарықшақтардан 52 жастағы әйел жарақаттанған, бетін, мойнын және қолын күйік шалып, ауруханаға жеткізілді – жағдайы орташа, қазір жансақтау бөлімінде жатыр", - деп жазды ол.

Назар аударыңыз! Видеода бейәдеп сөздер бар!

"РБК" хабарлауынша, Домодедово және Жуковский әуежайлары рейстерді қабылдауды және жөнелтуді тоқтатты, кейін Шереметьевоға рейстер де шектелді.

"ТАСС" агенттігінің хабарлауынша, Раменское қалалық округінің Мәскеу маңындағы Софино ауылында екі көлік өртеніп кеткен.

"РИА Новости" агенттігінің хабарлауынша, материал жарияланған кезде Раменское және Жуковский аудандарында ұшқышсыз ұшатын аппараттардың қаупі жойылған.

Мәтіннен қате тапсаңыз, бізге жазыңыз