ШҚО-да құтқарушылар аяғы газ баллонына қысылып қалған балаға көмекке келді (видео)
Опубликовано:
ШҚО құтқарушылары ерекше құтқару операциясын жүргізді – сегіз жасар баланың аяғы газ баллонының тұтқасы мен редуктордың ортасына қысылып қалған. Бұл туралы Төтенше жағдайлар министрілігіне сілтеме жасаған KAZ.NUR.KZ хабарлайды.
Ведомствоның Telegram-дағы ресми арнасында жарияланған ақпаратқа сәйкес, оқыс жағдай Риддер қаласында болған.
"Свердлов көшесі бойындағы үйлердің бірінде ТЖМ құтқарушылары сегіз жасар балаға көмекке келді. Ол үйде балаларымен ойнап жүріп аяғын редуктор мен газ баллонының тұтқасының арасына кіргізіп шығара алмаған", - делінген хабарламада.
Алаңдаған ата-аналар 112 қызметіне жүгінген.
"ТЖМ қызметкерлері "Holmator" авариялық-құтқару құралының көмегімен баллонның тұтқасын кесіп, баланың аяғын босатты", - деп мәлімдеді төтеншеліктер.
Құтқарушылар авариялық-құтқару жұмыстары барысында бала зардап шекпегенін атап өтті.
Айта кетейік, елордада кішкентай бала басына өзінің дәретке отыратын ыдысын киіп, өздігінен шеше алмаған. Балаға ТЖМ құтқарушылары көмекке келген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2197415-shqo-da-qutqarushylar-aiagy-gaz-ballonyna-qysylyp-qalgan-balaga-komekke-keldi-video/