Астанада тағы қалалық автобус өртенді

Бүгін Астанада жол үстінде тағы бір автобустан өрт шықты – маршруттық автобус өртенді. Оқиғаның мән-жайын ТЖМ өкілдері баяндап берді, деп хабарлайды ведомствоға сілтеме жасаған KAZ.NUR.KZ.

Төтенше жағдайлар министрлігінің Telegram-дағы ресми арнасында жарияланған ақпарат бойынша, бұл жайт бүгін Байқоңыр ауданындағы А.Бараев көшесінің бойында болған.

"Өрт туралы хабарламаны қабылдау және өңдеу, өрт орнына шығу, өртті барлау, күштер мен құралдардың қанатын жаю, сондай-ақ жануды сөндіруге ТЖМ-нің кәсіпқой командасына небәрі 9 минут қажет болды", - деп мәлімдеді ведомство өкілдері.

Еске салсақ, 4 желтоқсанда Астанада Министрліктер үйінің жанында қалалық автобус өртенді. Бұл жағдай Есіл ауданы Мәңгілік ел даңғылында болған. Көп ұзамай ТЖМ өкілдері өрт толық сөндірілгенін, зардап шеккендер жоқ екенін хабарлады.