Шымкентте полицейлер қарт бауырларды өрттен құтқарды (видео)

Шымкентте полицейлер қарт бауырларды өрттен құтқарды. Бұл туралы KAZ.NUR.KZ қалалық ПД баспасөз қызметіне сілтеме жасап хабарлайды.

Патрульдік инспекторлар Дархан Әшірхан мен Нұржігіт Абдулла түнгі сағат 1:25 шамасында көпқабатты үйдің пәтерлерінің бірінде шыққан өрт туралы хабарлама алған. Тәртіп сақшылары оқиға орнына бірер минутта жетіп, еш ойланбастан түтін шығып жатқан ғимаратқа кірген.

Пәтер ішінде полицейлер есінен танып қалған егде жастағы ер адаммен мен әйелді тауып, оларды көтеріп сыртқа алып шығып, алғашқы көмек көрсетті. Әрі қарай офицерлер келген өрт сөндірушілермен бірге көрші пәтерлердің тұрғындарын эвакуациялады.

Өз кезегінде тұрғындар полиция қызметкерлерінің кәсібилігі мен жедел жұмысын атап өтіп, адам өмірін сақтап қалғаны үшін шын жүректен алғысын білдірді.

Мәтіннен қате тапсаңыз, бізге жазыңыз