Астанада жеңіл автокөлік отқа оранды (видео)

Астанада Төле би және Сығанақ көшелерінің қиылысында жеңіл автокөлік отқа оранды. Бұл туралы KAZ.NUR.KZ ТЖМ баспасөз қызметіне сілтеме жасап хабарлайды.

Өртеніп жатқан көліктің видеосы Astanovka98 Telegram-дағы арнасында жарияланды. Көп ұзамай ТЖМ өкілдері өрт сөндірілгенін хабарлады.

"Бүгін Нұра ауданы Төле би және Сығанақ көшелерінің қиылысында жеңіл автокөлік өртенді. Өрт жедел сөндірілді. Зардап шеккендер жоқ", - делінген 112KZ Telegram-дағы арнасында.

Осы ретте ТЖМ автокөлік иелеріне кеңес берді:

• жылдың суық мезгілінде қозғалтқышты жылыту үшін ашық от көздерін пайдаланбаңыз;
• автомобильдің техникалық жай-күйін ұдайы қадағалап отырыңыз;
• автомобильдің тұтануының бастапқы кезеңінде өрт сөндіргіштің көмегімен отты жоюға тырысыңыз;
• егер құтқарушылардың көмегі қажет болса, "112" нөміріне қоңырау шалыңыз.

Мәтіннен қате тапсаңыз, бізге жазыңыз