Қарағанды облысында ауа райының қолайсыздығына байланысты мыңнан аса көлік жолда қалды (видео)

Қарағанды облысында ауа райының қолайсыздығына байланысты мыңнан аса көлік жолда қалды. Бұл туралы KAZ.NUR.KZ Ішкі істер министрлігінің Telegram-дағы арнасына сілтеме жасап хабарлайды.

ІІМ мәліметіне сүйенсек, Қарағанды облысында жауын-шашын мен қолайсыз ауа райының салдарынан республикалық және облыстық маңызы бар тас жолдар жабылған. Қауіпсіздікті қамтамасыз ету мақсатында полиция қызметкерлері күшейтілген жұмыс кестесіне көшкен.

"Облыс аумағында мыңнан астам көлік жолда қалды. Әсіресе, Қарағанды-Астана бағытында 700-ден астам көлік жиналды", - делінген хабарламада.

Полиция қызметкерлері Қарағанды-Астана бағытында 700 көлікті жетегіне алып, Ақмола облысының аумағына дейін жеткізді. Сондай-ақ Ақмола облысы аумағынан Қарағанды бағытына 1 мың көлік қауіпсіз түрде жеткізілді.

Осы ретте тәртіп сақшылары полиция ауа райының қолайсыздығына байланысты алыс жолға шықпауға кеңес берді.

Мәтіннен қате тапсаңыз, бізге жазыңыз