Шымкентте саябақ аумағында өрт шықты (видео)

Шымкентте саябақ аумағындағы өрт сөндірілді. Оқиға 14 желтоқсан күні болған, деп хабарлайды OTYRAR Telegram-дағы арнасы.

Басылым мәліметінше, 14 желтоқсан сағат 10:37-де "Қиял әлемі" саябағы аумағындағы екі қабатты ғимаратта орналасқан дәмханадан өрт шыққаны туралы ақпарат түскен.

Оқиға орнына өрт сөндірушілер барып, сағат 10:47-де өртті оқшаулап, 10:55-те сөндірген.

Өрт аумағы 30 шаршы метрді құрады. Зардап шеккендер жоқ. Өрттің алдын ала себебі анықталып жатыр.

Төтенше жағдаймен күресуге ТЖД 21 қызметкері, апатты медицина орталығының 3 қызметкері мен 1 техникасы жұмылдырылған.