Астана әуежайы рейстердің кешігуіне байланысты мәлімдеме жасады

Астана әуежайының ұшу-қону жолағы қолайсыз ауа райы және техникалық қызмет көрсетуге байланысты уақытша жабылды. Бұл туралы KAZ.NUR.KZ әуежайдың Telegram-арнасына сілтеме жасап хабарлайды.

"Құрметті жолаушылар! 2025 жылғы 21 қаңтар күні жергілікті уақытпен сағат 8:33-тен 10:33-ке дейін Астана әуежайының ұшу-қону жолағы қолайсыз ауа райы және техникалық қызмет көрсетуге байланысты уақытша жабылды.

Ұшу-қону жолағын қардан тазалап, қауіпсіздікті қамтамасыз ету үшін әуежай аумағында 10 арнайы техника жұмыс істеп жатыр.

Қазіргі уақытта жоспарланған 70 рейстің 6-ы кешіктіріліп, күтілетін 68 рейстің 14-і де кешігуде. Барлық кешігу ауа райы жағдайы мен аэродромға техникалық қызмет көрсетуге байланысты", - делінген хабарламада.

Сондай-ақ хабарламада жолаушылар рейстердің жай-күйі мен кестедегі өзгерістер туралы ақпаратты әуежайдың ресми сайтынан www.nn-airport.kz немесе тәулік бойы жұмыс істейтін байланыс орталығынан: 8 (7172) 702-999 біле алатыны айтылған.

"Жағдайға түсіністік танытып, өзекті ақпаратты бақылауларыңызды сұраймыз", - деп қосты әуежай өкілдері.