Қазақ редакциясының басшысы

ҚМА Атырауда МКД басшысы орынбасарының комаға түсуіне өз қызметкерлерінің қатысы барын жоққа шығарды

Опубликовано:1 ақпан 2025, 18:15

Құжат толтырып отырған ер адам. Көрнекі фото: pexels.com

Қаржылық мониторинг агенттігі комаға түскен Атыраудағы Мемлекеттік кірістер департаменті басшысының орынбасарымен болған оқиғаға өз қызметкерлерінің қатысы барын жоққа шығарды. Бұл туралы KAZ.NUR.KZ агенттіктің баспасөз қызметіне сілтеме жасап хабарлайды.

"Атырау облысы бойынша Мемлекеттік кірістер департаменті басшысының орынбасарына қатысты оқиға туралы тараған ақпарат шындыққа жанаспайды.

Оқиға болған жерде Атырау облысы бойынша ЭТТД-нің бірде-бір қызметкері болмаған. ҚМА қызметкерлерінің бұл оқиғаға ешқандай қатысы жоқ екенін хабарлаймыз", - делінген агенттіктің ресми Telegram-арнасындағы хабарламада.

Қаржылық мониторинг агенттігі тек ресми ақпарат көздеріне сенуге шақырды.

Еске салайық, бұған дейін желіде 28 қаңтарда Атырау қаласындағы мекемелердің бірінде мемлекеттік қызметкерлер – көлік прокуратурасы қызметкерлері мен Атырау облысы бойынша Мемлекеттік кірістер департаменті басшылығы арасында жанжал болғаны туралы ақпарат тараған болатын. Салдарынан төбелеске қатысушылардың бірі дене жарақатын алған. Оның комаға түскені анықталды.

Атырау облыстық полиция департаменті "Денсаулыққа қасақана ауыр зиян келтіру" бабы бойынша қылмыстық іс қозғалғанын хабарлады.

Барлық мән-жайды, оның ішінде прокуратура қызметкерлерінің қатысты болуына қатысты деректерді анықтау мақсатында Бас көлік прокуратурасы қызметтік тексеру жүргізіп жатқаны белгілі болды.

Кейінірек әлеуметтік желіде төбелес кезінде жарақат алған облыстық мемлекеттік кірістер департаменті басшысының орынбасары қайтыс болғаны туралы ақпарат тарады. Денсаулық сақтау басқармасы бұл ақпаратты жоққа шығарды.

Мәтіннен қате тапсаңыз, бізге жазыңыз