Алматыда 21 қабатты тұрғын үйде пәтерден өрт шықты

Алматының Бостандық ауданындағы 21 қабатты тұрғын үй кешенінде пәтерден өрт шықты, деп хабарлайды KAZ.NUR.KZ қалалық Төтенше жағдайлар департаментіне сілтеме жасап.

"14 сәуірде сағат 11:02-де Гагарин даңғылы, 133Б мекенжайына жіберілген Алматы қалалық Төтенше жағдайлар департаментінің күш-құралдары 14-қабаттағы пәтердің балконында, шамамен 5 шаршы метр аумақта тұрмыстық заттардан шыққан өртті тез арада оқшаулады", - деді ведомство өкілдері.

Өрт сағат 11:20-да толығымен сөндірілген. Оқиғадан зардап шеккендер жоқ.

"Өрт сөндірушілер келгенге дейін ішкі өрт сөндіру кранынан саптаманы енгізген қауіпсіздік қызметінің іс-қимылын ескеру қажет. Өрт сөндіру техникасына тар көшеге қойылған жеке көліктер кедергі келтіргенін атап өткен жөн", - деп хабарлады департаменттегілер.

Мәтіннен қате тапсаңыз, бізге жазыңыз