"Ақжайық" резерватының аумағындағы өрт толықтай сөндірілді (фото)

"Ақжайық" мемлекеттік табиғи резерватының аумағындағы өрт толықтай сөндірілді. Бұл туралы Атырау облысының әкімдігінің баспасөз қызметіне сілтеме жасаған KAZ.NUR.KZ хабарлайды.

"24 маусым сағат 14:00-дегі жағдай бойынша "Ақжайық" МТР аумағындағы өрт толығымен сөндірілді. Алдын ала болжам бойынша қызыл жалын 1510 гектар аумақты шарпыған", - делінген хабарламада.

Әкімдіктің мәліметінше, 13 маусымнан бері "Қазавиақұтқару" АҚ МИ-8 екі тікұшағы арқылы 396 тонна су төгілген. Өрт шалған аумақтың ауқымын ұлғайтпау мақсатында тракторлардың көмегімен минералды жолақтар жыртылған.

Жалпы тілсіз жауды толықтай сөндіруге 200-ге тарта адам мен 40 техника жұмылдырылған.

Сондай-ақ өрт қайта тұтанбауы үшін және жағдайды тұрақты бақылау мақсатында ТЖД, полиция және резерват қызметкерлерінің тәулік бойғы кезекшілігі ұйымдастырылған.

Мәтіннен қате тапсаңыз, бізге жазыңыз