Қазақстанның екі облысының шекарасында жер сілкінісі тіркелді

Жамбыл және Алматы облыстарының шекарасында жер сілкінісі тіркелді, деп хабарлайды KAZ.NUR.KZ.

Қазақстан ұлттық деректер орталығы ресми сайтының мәліметі бойынша, 2026 жылдың 5 қаңтарында Астана уақыты бойынша сағат 10:15-те (GMT бойынша сағат 5:15) Отар ауылынан солтүстікке қарай 30 км жерде жер сілкінісі болды. Магнитудасы – 3,7, ал энергетикалық класы – 8,8.

Естеріңізге сала кетейік, 2025 жылдың 4 желтоқсанында Алматыда 3 балдық жер сілкінісі сезілді. Жер сілкінісінің эпицентрі Алматыдан оңтүстік-шығысқа қарай 277 км жерде – Қытайда орналасқан. Жер сілкінісі Алматы, Жамбыл және Жетісу облыстарында да сезілді.

Мәтіннен қате тапсаңыз, бізге жазыңыз