Ақтөбе облысы әкімдігінің ғимараты өртенді (видео)

Ақтөбеде облыстық әкімшілік ғимаратының шатыры өртенді. ТЖМ өрттің оқшауланғанын мәлімдеді, деп хабарлайды KAZ.NUR.KZ.

ТЖМ құтқарушылары Ақтөбе қаласы, Әбілқайыр хан даңғылында орналасқан 6 қабатты әкімшілік ғимараттың шатырындағы өртті сөндірді.

"Оқиға орнына 5 минут ішінде ТЖД күштері мен құралдары жедел түрде келіп жетті. Дереу өрт сөндіру оқпандары беріліп, өртті толық жою бойынша барлық шара қабылданды. Судың үздіксіз берілуі қамтамасыз етілді. Адамдарды эвакуациялау жүргізілуде", - делінген ТЖМ-нің алғашқы хабарламасында.

Оқиға орнында жедел штаб құрылды. Өртті сөндіруге 140-тан астам қызметкер және шамамен 40 бірлік техника жұмылдырылды. ТЖМ күштері 300 ш.м. аумақты шарпыған өртті толық сөндірді. Өрттің шығу себебі анықталып жатыр.

Мәтіннен қате тапсаңыз, бізге жазыңыз